free page hit counter
تونسوطنية

توفّيت لعجزها عن توفير 100 ألف دينار: سليم الرياحي يتعاطف مع ميساء

توفّيت لعجزها عن توفير 100 ألف دينار: سليم الرياحي يتعاطف مع ميساء
.
تعاطف الأمين العام لحركة نداء تونس سليم الرياحي، مع الشابة ميساء بن أحمد التي توفّيت امس الاثنين 24 ديسمبر 2018، بعد ان عجزت عن الخضوع لعملية جراحية عاجلة بسبب ظروفها المادية.

وقال الرياحي في تدوينة على حسابه الرسمي فيسبوك:

“ميساء بن أحمد..

شابة في الواحد والعشرين من العمر ، ناشطة في المجتمع المدني وأصيلة احدى مدن الساحل ، بني حسان.

ميساء ماتت اول البارح، الله يرحمها ويصبر عائلتها.

ميساء ماتت خاتر مالقاتش مستشفى يعمللها عملية.

ميساء كان عندها حالة مرضية خطيرة تتسمّى”Anevrisme” تستوجب تدخل طبي عاجل و عملية جراحية سريعة. الطُبّة عطاوها مُهلة شهرين، في الشهرين اذوكم لازمها تعمل العملية،
ميساء و عايلتها مشاو للمنظومة الصحية العمومية في الأول، كيف أي تونسي متوسط الدخل،
المستشفى المختص في مثل هذه الأمراض قاللهم لازم تستناو تلاثة سنين…. تلاثة سنين بش تخلط لدورك و تعمل عملية عاجلة!

مالقاو بيها وين، مشاو للخاص، لقاو الي العملية تتكلف 100 مليون! 100 مليون يلزم يتوفرو في شهرين…

حاولو يبيعو الرزق، شكون في الوضعية الاقتصادية هذي ينجم يبيع رزقو في شهرين ؟ البنوك زادة ما تعطيش بالساهل قروض في الحالات هاذم …. ما نجموش وما ماخلطوش يوفرو فلوس .. وفاو الشهرين و ميساء توفات على خاطر مالقاتش دولة تداويها…
هذي هيا حكاية ميساء وحكاية الاف التوانسة ، وحكاية منظومة صحية و تغطية اجتماعية فاسدة ومنهارة..”
.

image

اظهر المزيد

مقالات ذات صلة

اترك رد

زر الذهاب إلى الأعلى