ما يفوتك شيئ
الرئيسية » تونس » رسالة “قوية” من تلميذ لناجي جلول …

رسالة “قوية” من تلميذ لناجي جلول …

نشر موقع “ليسينا” رسالة توجه بها تلميذ يدعى بلال الدريدي الى وزير التربية، الرسالة جاءت كالآتي:
لتلاميذ يحتجون ! برشة تلامذة مضربين على القراية ! زعمة علاه ؟ علاه رافضين نظام التقييم والامتحانات ؟ بربي كي تلميذ يعدي كل يوم devoir وفما حتى إلي يعدي زوز دفوارات في نهار! ياخي تلميذ وإلا machine ؟ وفما بعض الاساتذة إلي متهمهمش مصلحة التلميذ ! يحب يكمل دفواراتو ويصلحهم ، ومن غير منحكيلكم على les notes ! وزيد تبدا bac يزيد يطيحلك المورال ! حاجة عادية كي التلميذ يفد ! نحكيلكم حاجة شخصية ! سيدي الوزير فما أساتذة يحبو يعدولنا devoir في عطلة ! أي نعم في العطلة ! مادم لقاوها ساهلة عام إلي تعد عدولنا devoir في عطلة ! معنتها العطلة إلي فما عباد ترتاح فيها وتراجع وتعمل des résumés ولينا نعديو فيها ! بربي لا يزيد إمتحانات ولا تحضير ولا يزيد خدمة في دار و برى عاد كان قالك orale ، زعمة موش برشة ؟ تلامذة ولات تغيب باش تحضر ! ولات تخدم في حاجة على حساب حاجة أخرى ! صحيح نفس العدد متاع الفروض أما كي منحترموش توزيعهم ، ماقالش ربي.. تلامذة تعاني ! تعاني نفسانيا وبدنيا ! ايجا توا نحكيو عل واقع ! اكة تلامذة إلي تاخو الكار والمترو و إلي يمشو على ساقهم باش يقراو ! بربي كي تصب المطر اش يعملوا ؟ لا يزيد تلقاه يكمل ال-18h ولا يزيد يتمرمد في نقل يوصل الدارهم 20h إي 20h انا جربت ونعرف وتلقاه مزال كي كمل devoir أما غدوة 8h عندو دفوار اخر ! بربي كيفاه باش يحضر ؟ باش تقولي علاه يحضر ليلتها ؟ bien-sur ماو تلقاه محضر 5 حاجات اخرين ! devoir آخر و devoir آخر و devoir إلي عداه و devoir آخر ….. لين اكة المخ يتحرق ! وكان غاب على devoir ، يذلوه باش يعاودهولو ! تسمع كان “جيب certificat”، “تو نعطيوك date” “وهذاك الوقت الموجود ! موش عاجبك zéro ” ! لا يزيدوا يخليوك معلق في date مجهولة فترصيلك تحظر كل يوم ولا يزيد عادي يقولك تعدي نهار الفولاني ووقتها انتي عندك زوز دفورات نهارتها، بسيف تلقى روحك لازمك تغيب باش تروح بكري وتحضر و بطبيعة parent ع صباح باش تاخو billet ! غيابات ! تعب ! stress ! وين باش نكملو ! 48 يوم باش نعديو فاهم ! وفي وسطهم زوز عطل ! راو نحكي الControl ! تكمل هاذم نهار 10 ديسمبر ! تلقى روحك نهار 15 تبدا التأليفية ! موش برشة ؟ لا سامحوني انا ضهرلي نتشوكع وحدي ! يزينا ! بربي حسو بينا ! يا اساتذة مانيش نتهم فيكم أما ضهرلي ماناش باش نغطيو الشمس بعين الغربال ! في حقكم عاوناكم ، وفي حقنا ؟ نسيتونا ؟ طفيتوا الضو علينا ؟ ارحمونا شوية ! نظام السداسي حاجة جديدة على التلامذة ، أما رانا ماناش فيران متاع تجارب ، شوف تخطف شوف لا ، لا بنسبة لينا ولا الإعدادي ولا الإبتدائي ! و كي نحبو على حاجة جديدة باش تنهض بالمستوى التعليمي ، لازم تكون بتوافق مع جميع الأطراف باش إلي يقصر يتحمل مسؤليتو ! كي نرى الأنظمة متاع دول متقدمة نقول احنا وين وهوما وين ! تي حتى دول موش متقدمة ! كان احنا يقريونا كل شي ! bac science عادي تلقاه عامل gestion في التوجيه الجامعي إي ! نحكيلكم في تجارب ملموسة ! بدلولنا ال-système ! اسمعوا التلميذ ! حسوا بيه ! لازم حل عاجل و راو ماشاء الله عنا تلامذة عندها حلول وإقتراحات منطقية ومعقولة وخاصة مقبولة ! سيدي الوزير نحن ننتظر تدخلك العاجل وسريع لحل هذي الأزمة وانا واثق ومتاكد من قدرتكم على تفهم معاناة التلميذ وعمل من أجل توفير المناخ التعليمي المناسب وتطويره

اترك رد

لمشاهدة الموضوع
اضغط لايك

%d مدونون معجبون بهذه: