free page hit counter
أخبار عالمية

هنالك من يقول ان “دونالد ترامپ” هو هتلر جديد لكن ليس لتطهير العالم من اليهود …بل من المسلمين ..

لكي لا نجعل من الموضوع اكبر من حجمه، دونالد ترامپ لا يعنينا في شئ ، يربح او يخسر، اصلا نحن لا نأخذ اوامرنا من عند أمريكا لكن نحنا نخدمو مع deuxième main.
يعني كلنا نعلم ان فرنسا هي من تتحكم في تونس ، إذا كي تبدا فما حاجة تو فرنسا تضوينا .. هههههه
لنكن جديين ، دونالد ترامپ لن يقوم بشئ مما هدد به، لأنه ليس الآمر الناهي، هنالك كونڨرس و دنيا اخرى و 5 دول في دولة ..
هذا من وجهة نظر عامة ، لكني اشك في قدرته على إدارة البلاد، كشخص يعني الرجل ليس له خبرة ، عرف بلسان سليط “وإلي على لسانو يقولو”، لا اتصور ان يترك طليقا خاصة في افعاله، لكن سيكون طليقا في لسانه، ليجعلوا منه شبيها ب “كيم في كوريا الشمالية” ، بلغة اخرى “بهبار كبير”
ترامپ المخلص … ترامپ المطهر …
“دونالد ترامپ” يبقى صناعة جديدة سيتم تجريبها في ال4 سنوات القادمة لإعادة تقسيم العالم. و المشكلة في العالم الآن هي المسلمين، السيناريو الذي قاموا بحياكته في ال5 سنوات المنقضية هو فكرة همجية المسلمين و تعصبهم و هذا هو منطلق البرنامج ، سيأتي يوم يقتل فيه العرب و المسلمون في وضح النهار امام الاعين و لن يحرك اهض ساكنا، لماذا ؟ “اه مش مشكل ت- مسلم هذاكا رتحنا منو” … هذه هي الفكرة .. الضريبة ستكون غالية ، فقط المسلم الغني سيتمكن من العيش ، الفقير سيموت، إما ان يموت و إما ان يحارب .. كيفاش؟ ساهلة برشا .. حسب رايك الكرتوش و السلاح إلي يصنعوا فيه هذا الكل علاش؟ باش يبقى مخزن ؟ تي ماو باش يستعملوه … إحسب روحك تحكي على معمل متاع حليب ولا كوشة متاع خبز، باش تبقى تخدم الكوشة كان فماش عباد باش تشري الخبز و تاكلو ؟
مرات الدنيا تبدا بسيطة برشا و تفسير القرارات و الكلام إلي نشوفو فيها يبدا ساهل برشا غير نحنا ديما نعقدو فيها .. نحنا مستهدفين، تحبو ولا تكرهو .. مكروهين في اي بلاصة و الشهادات تثبت ذلك، يقدرو كان إلي عندو فلوس و حتى هو شوف و شوف ..باينة وين باش نوصلو في يوم ما .. ظاهرة وضوح الشمس.
الأسئلة المطروحة:
تونس وين من هذا الكل ؟
* نتصور معنى في المرشي ما نشرو .. خاطر ديما بعاد على الزوابع السياسية العالمية إلإ إذا كانت الجزائر مستهدفة كدولة و كنظام ، وقتها باش يوصلنا الطش على خاطرنا بعد ما نكونو توانسة ، Par defaut نحنا دزيريا .
*العالم العربي En général مزمرا عليه، مش على خاطر فزاعة دونالد ترامپ ، لا، لكن على خاطر لعبولو ديجا عندهم مدة يحبو يبدلو ميزان القوى في العالم و خصوصا في الشرق الاوسط، الصراع على ترأس البقعة بين تركيا و دول اخرى … خوماضة كلبة de préférence ما ندخلوش فيها.

الحاجة الواضحة إنو معادش فما حروب و جيوش كيما قبل ، بلغة اخرى الأمريكان معادش مساعدهم اولادهم يموتو البرة ، و هذا علاش عملوا نوع جديد متاع جيوش ، يجي للبلاصة إلي حاشتو بيها و يعملك كلوناج Clonage، يصنعلك انطي(Anti) روحك باش يحاربك و تتلها بيه مثال داعش ، النصرة ….إلخ، هكا يفتقوا هوما رواحهم و هو يفكتر في الكرتوش و يتفرج من بعيد.

hitlervstrump

اظهر المزيد

مقالات ذات صلة

اترك رد

زر الذهاب إلى الأعلى