free page hit counter
تونسمجتمع

شاهد عيان يروي تفاصيل “مجرزة” الكاف الارهابية

كشف شاهد عيان يدعى مهران المولهي وهو ناشط على مواقع التواصل الاجتماعي عن تفاصيل عملية الكاف الارهابية حيث كان بالقرب منها على بعد امتار وفق قوله وقال على صفحته :

“اليوم و أنا ماشي نخدم ضرب الكرتوش قدامي على بعد أمتار ، و مانيش باش نحكيلكم أكثر ملي تداولوه وسائل الإعلام ..

أما اليوم ريت الخوف على وجوه الناس و الرعب في قلوبهم .. ريت الدم يسيل سخون في جنب الحافلة ، بلار مكسر ، باب محلول .. و لا أحد يجيب ..

قدمت شوية ريت 4 جنود يتباكو ، الكل هازين السلاح ، إلي يحكي في التلفون يطمن في اهلو ، و إلي يلهث تعبان بعد ما جرى وراء اللاشيء ، الجرذان الذين إختفو بالغابة..

إلي بقى في مخي ، مرا و راجلها يهرولان نحو الجندي الذي يمنع الناس من الإقتراب من مكان الحادثة .. المرا تخزرلو كان هو و ماشية كان ليه هو ..

“ولدي ولدي وينو لاباس حي ميت قلي قلي !!!” ..

جاوبها “حي يا حاجة حي هاوينو برالو ميسالش” … عنقتو تبكي و ترعش ، و بوه شاد الدمعة و إلي في القلب في القلب ..

كي تشوف كيما هكا تفرح للي منعو ، و تشدك غصة كي تتفكر إلي ماتو و تخمم في أهلهم و تشوف الدمومات ..

يهلك إلي كان السبب و ما نجمش نقول و إلا نحكي أكثر من هكا …

شكراً لي سألو عليا الكل ، هنا و إلا في التلفون ، مانيش باش ننساكم ..

لا شيء يفرح في ها البلاد .. دعواتكم لها و للعباد.

سلام.”

668_334_1406404971titre

اظهر المزيد

مقالات ذات صلة

اترك رد

زر الذهاب إلى الأعلى