تونسصحةوطنية

طبيب يصرخ : التدخين تسبب في قطع ساقي كافون

طبيب من رواد التواصل الاجتماعي فايسبوك يكتب:

” سمعت الي كافون ربي يشفيه كيما الناس الكل قصولو ساقيه الثانية عندو نهارين amputation des membres inferieurs والسبب حسب ما #قالو في عديد المواقع هو maladie de Buerger (ما نغلطوش مع مرض maladie de Berger اللي هو مرض اخر مستقل) ، دونك انا لهنا كايها الناس و كصفتي كطبيب بش نحلل المرض متاعو #للتوعية فقط و انا لهنا بش نحاول نفسر المرض هذا خلي العباد تفهم معنى البلاكة في باكو الدخان : التدخين قاتل.

دونك  هو مرض باطني تابع ال medecine interne اجي عند الصغار خاصة الي يتكيفو منهم و اقوم باضعاف العروق الصغيرة و تحطيمها و بذلك تتسد العروق مما يادي الى تلف المنطقة الي يغذيها الدم اي necrose .ومنطقة اذا كان تلفت لازمنا نقصوها خاطر ماعادش حية سي نون التهابات تصير توصل حتا الى وفاة المريض. من بين الاسباب زادة هيا خلل جيني ، مناعة ذاتية ، و الاكثرية عند كافون اللي ربي يشفيه هو التسمم بالزطلة مدام عندو des antécédents في الشي هذا او الدخان او الاثنين معا.

يعني الزطلة اللي ناس في بالها كان للشيخة euphorie اكهو راي غالطة في حساباتها عندها مضاعفات على صحة الانسان ابداها مال delire اللي تنجم تولي حتا  psychose في اغلب الاحيان و قدا من واحد تعدا عليا في الرازي مسكين تحطم مستقبلو على جرد سيقارو و لاخر دخل للسبيطار حب يقتل بوه  ماغير ما يفيق . ولاخر جاية طواعية قدامي للطبيبة وقلها داويني ، دخلني للسبيطار راني هبلت ! وزيدها مضاعفات في القلب ، تي عباد خممت في الانتحار بالطبيعة وهي مش واعية.  و قدا من واحد بكا اصل قدامي في سرفيس ال pneumo على خاطر يتكيف ياسر و ما نجمشي يبطل الدخان ياخي مرض بال cancer du poumon عفانا و عفاكم الله ، عايلتو كي تجي تطل عليه انا في بلاصتهم نبدا نبكي، خلي عاد ما نحكيوش على مضار علاج ال cancer ، الليل ما يرقدوش مالوجايع وهو من زريقة لزريقة ! والله ساعات قلبك يوجع…

اما انتي طفل ولا طفلة الي مزلت صغير ، اش لزك  تتكيف ؟  اش لزك تزطل ؟ تلعب بصحتك ؟ نعرف بش تقلي ما نعرش و نعرف كل واحد و ظروفو اما انا لهنا نلوم الدولة لي ما هيش قاعدة تقوم بواجبها التوعوي كيما يلزم . و لهنا حبيت و لا تكره الواحد ما يعيش مرتاح كان بصحة البدن و راحة البال  يكذب عليك الي قلك عكس هذا . وانتي اش لزك؟؟؟

ربي يشفيه… ”

#منقول

image

اظهر المزيد

مقالات ذات صلة

اترك تعليقاً

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock